Тегін медициналық көмектің кепілдендірілген көлеміндегі дәрі-дәрмектер (ТМККК)

• Азаматтарға;
• қандастарға (оралмандарға);
• шетелдіктер мен елде тұрақты тұратын азаматтығы жоқ адамдарға;

Міндетті әлеуметтік медициналық сақтандыру жүйесіндегі дәрі-дәрмектер (МӘМС)

• Міндетті әлеуметтік медициналық сақтандыру жүйесінің қатысушыларына (төлеушілеріне);
• ӘМСҚ-ға мемлекет аударым жасайтын азаматтардың 15 жеңілдік санатына.

ТЕГІН ДӘРІ-ДӘРМЕКТІ ҚАЛАЙ АЛУҒА БОЛАДЫ:

1. Бастапқы медициналық-санитарлық көмек көрсететін емханаға, фельдшерлік-акушерлік пунктке немесе дәрігерлік амбулаторияға (Отбасылық денсаулық орталығы) тіркелу керек.
2. Науқас АДҚ тізіміне енгізілген ауру бойынша диспансерлік есепте тұруы керек. Мұны істеу үшін сіз өзіңіздің учаскелік терапевтпен байланысып, тиісті анализдерді тапсырып, бейінді маманның қорытындысын алуыңыз керек.
3. Тегін рецептіні тек учаскелік дәрігер және бейінді маман тағайындайды.
4. Рецепт бойынша дәрі-дәрмекті медициналық сақтандыру қорымен жұмыс істейтін дәріханадан алуға болады. Дәріханалардың тізімін өз емханаңыздан білуге болады.
5. Дәрі-дәрмектің ақысын төлеудің қажеті жоқ, берілген рецепт пен жеке куәлікті фармацевтке көрсету керек.

Есіңізде болсын, берілген дәрі-дәрмектің атауы дәрігер тағайындағаннан өзгеше болуы мүмкін. Мысалы, «Парацетамол» — бұл халықаралық патенттелмеген атауы, ал «Тайлол», «Эффералган», «Панадол» және басқалары — саудалық атаулары.

Егжей-тегжейлі ақпаратты  1406 Медициналық сақтандыру қорының байланыс орталығынан алуға болады