Жастардың денсаулық орталықтары жасөспірімдер мен жастардың ерекшеліктерін ескере отырып құрылды, сондықтан олар әр жас адамға медициналық және психоәлеуметтік көмек көрсетуге дайын. ЖДО қалалық бастапқы медициналық-санитарлық көмек ұйымдары, қалалық және орталық аудандық ауруханалар базасында орналасқан.
Осы жылдан бастап міндетті әлеуметтік медициналық сақтандыру (МӘМС) аясында бұл орталықтардан төмендегі көмектерді ала аласыз:
БЕЙІНДІ МАМАНДАРДЫҢ КОНСУЛЬТАЦИЯЛЫҚ КӨМЕГІ
- акушер-гинеколог;
- психолог;
- уролог-андролог;
- психотерапевт;
- психиатр;
- дерматовенеролог;
- әлеуметтік қызметкер;
- фельдшердің көмегі.
ДИАГНОСТИКАЛЫҚ ЗЕРТТЕУЛЕР
- Құрсақ қуысы мен құрсақ аржағындағы кеңістікті (бауыр, өт көпіршігі, ұйқы безі, көкбауыр, бүйрек) кешенді ультрадыбыстық зерттеу.
- Қалқанша безін ультрадыбыстық зерттеу, простата безін, сүт бездерін, жамбас мүшелерін транскректальды зерттеу.
- Акушерлік ультрадыбыстық зерттеу - жүктіліктің 1-ші триместрінде.
ЗЕРТХАНАЛЫҚ ДИАГНОСТИКА
- Қанның жалпы анализі (ЭШЖ, гемоглобинді анықтау).
- Зәрдің жалпы анализі (лейкоциттер, эритроциттер, бактериялар).
- Жүктілік тесті - ХГЧ.
- Инфекцияларға арналған анализдер - цитомегаловирус, герпес, токсоплазмоз, хламидиоз, микоплазмоз, уреаплазмоз, кандидоз, гарнереллез.
- Гормондарға анализ - лютеинизаторлық гормон (ЛГ), фолликулды қоздыратын гормон (ФҚГ), жалпы трийодиотиронин (T3), тиреотропты гормон (ТТГ), тестостерон, прогестерон, пролактин, эстрадиол, кортизол, тиреотропты гормон рецепторларына, тиреоглобулинге (АТ к ТГ), тиропероксидазаға (а-ТПО) антиденелерді анықтау.
МАНИПУЛЯЦИЯЛАР МЕН ПРОЦЕДУРАЛАР
- Аутотренинг;
- Психотерапия;
- Психологиялық диагностика және психокоррекциялық жұмыс;
- Гипноз сессиясы;
- Гештальт терапиясы;
- Нейролингвистикалық бағдарламалау;
- Холотропты тыныс.
ЖДО мекен-жайларын ҚР ДСМ Ұлттық қоғамдық денсаулық сақтау орталығының веб-сайтынан табуға болады.
Қосымша ақпарат алу үшін Медициналық сақтандыру қорының бірыңғай байланыс орталығына 1406 нөміріне хабарласуға болады.
